لماذا ياسليم..!؟

السلآآآآآآم عليكمم #

يآآآآآآآآآآآآه كم انتم مغبرين :-)

والله اني اشتقت لشخبطتي وسماجتي اللي بهالقسم Smile

وقلت ليه ما انزّل وتستانسون يعني < وآثق

عاد مآلكم بالطويله

#

اكيد مر بحياتكم الصديق الصدقي

اللي من زود ما تحبه اذا دمّع تدمّع معه

واذا كان زعلآن تواسيه وتعلمه معنى الصدآقه الحقيقيه

~

^ يبوووووووي ويييييين اللي فوق ما يعتبر صداقه صدقيه Smile

هذا فلم وثائقي < او ماله دخل

’

الصداقه الصدقيه يآجماعة الخير هي / اذا دمّع خويك تصوره وتبتزّه وتقوله هاه بتشتري لي حمضيات

ولا بخلي العيال يشوفون المقطع Smile

واذا كان زعلآن ومسوي انا الدراما وكذا تعطيه كوع بالجبهه وتقوله قم بلآ دلع

< تباً للصدآقه الجميله ( قلبي الصغير لا يتحمل )

الزبده هالقصه يآجماعه الخير تعلمكم معنى الصداقه وكذا Smile

< وهي اصلا مالها دخل بس سلكوا

#

في ذلك الصباح الجميل والعصافير تزقزق في تلك الحاره الجميله المليئة بالمبزره والسياكل

كان فتيان الحاره ينتظرون [ سليّم ] يطلع من البقاله لكي يعيشوا بسلآم

وسليّم هذا > فتى جاحظ العينين , أسمر البشره , وذو قوه

< يعني من القوه اللي فيه يقدر يمسك صرصور بيدينه < كيف ؟

واي احد يشوفه قدامه لازم يعطيه كم لكمه

#

المهم كان 24 ساعه بالبقاله وخلاص تعودوا الحاره اذا بيروحون البقاله لازم يستقبلون كم رفسه

وكذا من سليّم *

" المهم بعد فتره .. : سمعوا ان فيه ناس بيجون الحاره وكانوا متحمسين

وعيال الحاره مستانسين ( بيجينا صديق جديد ) !!

وسليّم مترقب اللحظه اللي بيجون فيها علشان اذا جاء الولد الجديد يعطيه النظره التصفيقيه

المهم جوو هالعائلة الكويسه ..

ونزل ذاك الفتى الوسيم القوي الكل شيء في الحياة

وسليم يشوف له من بعيد ويقول ( هيّن ياحبيبي انا اعلمك بس اصبر كم يوم ) ..

المهم مرت الأيام *

وطلع هالولد من بيتهم وكان لابس نظارات شمسيه فالليل وشرّاب واصل لركبته ومتحمس

ويجونه العيال ويسلمون عليه وكل واحد يرفّع فيه يآحركات انت من وين لك النظاره ابي مثلها

وقالوا له وش اسمك انت .. قال : حايمتن تسبدوه

وتبادلوا الأحاديث والكلام الفاضي .. < متعوب عليها

المهم انهم قالوا له عن سليّم وانه لازم ينتبه ومايروح البقاله وكذا

قال حايمتن : طيب اذا ابي حمضيات وش اسوي ؟؟

قالوا : ياحبيبي خلك على المويه وهد الوضع لا تنجلد

قال : ما عليكم منه لا تخافون انا بروح الحين للبقاله وبشوف اذا هو فيه بجلده لكم

فـ انحاش كل واحد لبيته وبقى حايمتن تسبدوه لحاله

ويدور يمين يسآر مافيه احد كلهم اختفوا قال اجل ابي اجلد سليّم هاه

واعطاه وضعيه الشهيق والزفير وقال : لازم اصير قوي وما اخاف , وراح للبقاله

ولقى سليّم وقال بقلبه هءهءهءه ياليتني ماجيت هنا ..

وراح لمه سليم قال : وش عندك هنا ؟

قال حايمتن : والله ما ما ما ما بس هذا .. < ماكمّل كلامه الا كوع سليم داخل بجبهته

ويمسكه سليّم ويآخذ فلوسه

وقال حايمتن بصوت سمعه اهل الحاره كلها أنت [ شِرييييييييييييييييييير ]

قال سليّم : اقول رح لبيتكم لا ادخل صبعي الكبير بخشمك

قال حايمتن : طيب مافيه حمضيات شي ؟ طيب رجع فلوسي !

امي تقول لا تعطي احد فلوسك Sad

قال سليّم : المره الجايه اذا بتجي هنا ترآني بخلي وجهك مثل ركبتي

وانحاش حايمتن لبيتهم وهو يمسح دموعه والسعابيل تنقط ورجع لبيتهم

قال ابوه : افآآآ ياوليدي وش صآر ؟؟

قال حايمتن : والله يا يبه انجلدت , والحركات اللي علمتني اياها اول اللي اذا ضربك احد اعطه لكمه مع الخشم ما سوت شي

قال ابوه : يعني الحين ما اعطيته وحده بالخشم ؟

قال : لا Sad

ويفسخ ابوه الزنوبه ( وانتم بكرآمه )

وجلس يكمل عليه لمين خلآص حس انها النهايه Smile

وقاله اسمع بكرآآ بترجع لنفس اللي جلدك وتسوي مثل ماقلت لك

قال حايمتن : وش قلت لي اصلآآ ؟

و فسخ الزنوبه مره ثانيه وصار اللي صار Sad

ونام حايمتن تسبدوه الليله مهموم ومصفّق وكل شي موب زين فالحياة Sad

قال : لازم اصير قوي مثل ابوي وارجع لسليّم واجلده

وجاء من بكرآآ > وراح للبقاله ولقى سليّم , قاله : يآخي ليش تضربني امس

قال سليّم : اقول عطني اللي معك ويالله لبيتكم

قال حايمتن : لا منب راجع البيت الا لمين اخذ حقي

قال سليّم : عجيب والله صرت ترد علي هاه ؟

قال حايمتن : اسمعني هد الوضع وخلني اعزمك على حمضيات وليز كبير وتصير صديقي واصير صديقك وكذا

قال سليّم : والله عرض ممتاز انا موافق بس كل يوم حمضيات على حسابك

ومضت الأيام وهم اصدقآء وعايشين بسعاده وعيال الحاره مستغربين وكل واحد ما يدري وش السالفه

المهم وحايمتن جالس يدور بالسيكل بالحاره لفت نظره شي غريب من دريشة بيت الجيران ؟

الا ذيك البنت الحلوه اللي قرنها طالع مع الدريشة وتشوف له بنظرات خجوله < كيف بس

وجاء سليّم وخرب اللقطه الرومانسيه وقال وش السآلفه يآصديقي ؟

قال حايمتن : يآخي انا ذبحني الحب

قال سليّم : اووه من ؟؟

قال حايمتن : مدري شسمها بس شكلها تحب السياكل مره لأنها جلست تطالع لسيكلي طول الوقت

قال سليّم : اييييه هذي مزنه

قال حايمتن : افكر يآخي اني اخليها تركب سيكلي واجيبلها ورده وكذا

قال سليّم : ههههههههههه اقول الحقني للبقاله لا والله اصكك بجبهتك Neutral

ومرت الأيام "

وتجرأ حايمتن تسبدوه وطق البآب على بيت [ مزنه ] ّ !

ويفتح اخوها قاله : وش تبي ؟

قال حايمتن : ما ما , بس امي قالت طق عليهم نبي طماط

قال : تبي طماط اجل ؟

وينادي مزنه وقالها جيبي طماط لـ الدرج هذا

وجت مزنه وهي منزله رآسها وتعطيه قالت خخخخخخذ < بدلع يعني

قال حايمتن اليوم الساعه 5 بالبقاله وانحاش

فَ عرفت مزنه انه يبي يقابلها اليوم ورآحت الساعه 5 للبقاله وشافته هناك

ومعه وردة زارفها من حوش بيتهم

وقالها : تبين تاخذين فره بسيكلي

قالت : ايه

وجلست تدور ورجعت وجلسوا مع بعض وقالت له يآخي سيكلك مره حلو وش رآيك تعطيني

أياه يوم واحد وارجعه لك

قال حايمتن السيكل كله لك اصلآآ < من بآب الرومانسيه وكذا

ورجع حايمتن للبيت وهو متشنج من الفرح * وجلس يفكر شوي ونآآم

وقام من بكرآآ وهو يطلق سيقآنه للخارج عشان يقابل مزنه بس فجأه صآر وجهه كذا

( ) *

[ شآف سليّم معه سيكله ومركب مزنه ورآ ]

وحس انها الخيانه من قبل الطرفين

وصرخ [ لمآآآآآآآآآآآآآآآذآآآآآآآآآ ]

< بس مالمك احد , سحبوا عليه وتخرفن الزلابه وزرفوا سيكله وانحاشوا

فا بالطبع قرر انه يسوي شي واحد

رآح للسطح ونط ومات *

# النهآيـة

~

ههههههههههههههههه قسم بالله ادري انه فلم هندي بس الشكوى لله فاضي قلت خل اكتب شي

سامج يدور في ذهني وهذا اللي طلع معي

عاد الله الله بالتسليك

وقبل لا نخلص الموضوع ..

[ نكتــة ]

واحد يسأل ولده : وين شهادتك ؟

قاله : اخذها خويي المصري يبي يخرع ابوه ويرجعها

#

[ سؤآل صدقي ]

الحين تتوقعون بيرجعون السيكل ولا وش السالفه لانهم طولوا Sad

< مافقدت الأمل

*

عاد بالنهايه نشكر [ تحملكم هالسماجه ]

ومع السلآآمـه

شكر جزيلا للطرح القيم
ننتظر المزيد من الابداع من اقلامكم الرائع

تسلم علي الموضوع ياغالي